育有四個仔女嘅林盛斌（Bob），早前就透露受新冠肺炎衝擊下，旗下製作公司生意受影響，自己外快都冇晒！今日佢就突然有感而發，上載一張老婆背影照，話覺得自己有少少食軟飯感覺：「呢期大部份（分）嘅工作，一係取消，一係延期，每日我嘅流程就係睇住幾隻嘢做功課同陪玩，反而佢日日就晨咁早出去幫客睇風水睇到夜晚先返。我覺得，呢期自己好似有少少咬老軟feel…….」
網民都笑言：「老軟都要有本事先食到，加油💪」、「幸福的咬老軟😂看住小朋友都唔容易💪🏻💪🏻💪🏻」又大讚阿嫂真係瘦咗好多，睇嚟都真係幾頻撲！不過大家都為佢打氣，叫佢趁時間休息吓，共度時艱分工合作咁話！
東網網站 : https://on.cc/
東網Facebook專頁 : https://www.facebook.com/onccnews/
