「胡說八道會」5位成員胡杏兒、胡定欣、姚子羚、李施嬅及胡蓓蔚（豹嫂），日前從馬爾代夫度假回港，眾人連日來不停於社交網鬥晒泳照，當中以豹嫂的豹紋比堅尼Look，以及定欣的半裸晒背露波邊相，最為噴血！Po了多日陽光與海灘照後，今日終於有啲新嘢睇吓了，不過並非甚麼再激嘅性感相，而是5位閨密一齊玩空中瑜伽的合照，豹嫂搞笑留言：「Who is Who?」仲讚施嬅是「Good teacher」𠻹！雖然只睇到大家的背影，但穿上Sports bra加貼身瑜伽褲、晒出小蠻腰的她們，明顯事前努力操練過，身材認真Fit到漏！見眾人望住眼前一片海景，再一邊「倒掛金鉤」，真係睇見到都好Relax、好身心舒暢呀！
