Cookies雖然解散多年，但成員鄧麗欣、吳雨霏和區文詩感情依然冇變，其中一個生日都會約埋出嚟慶祝，雖然吳雨霏6月9日先33歲生日，但可能因為疫情關係，三人好耐無見，所以預早幾日同老友見面慶生。鄧麗欣留言話：「原來已經超過半年沒見了，終於可以出來吃飯，預祝這位在我眼中永遠是小妹妹的靚媽媽@ngk生日快樂#HappyBirthdayTo….#笑左#生日快樂#和你慶祝的第幾年」而區文詩亦都寫道：「印象中好似第一次咁早同你預祝生日。。。 #HappyBirthday#生日快樂」不過，跟吳雨霏屢傳不和的楊愛瑾今次繼續有份，相信想睇Mini Cookies四名成員合體，短期內都幾難啦！
