藝人森美在尖沙咀出席格價平台活動，問到他購物是否很精明，他笑說：「我梗係精明啦，因為我好孤寒吖嘛，不過以前都會格價，依家直情唔使格價，乜嘢都𢱑sponsor，好似衫褲鞋襪、牙膏、牙刷、洗頭水、沐浴露都有sponsor。（慳咁多要畀多啲家用老婆？）老婆畀多啲家用我就真，我冇錢㗎，我哋成家好似攞飯票咁問老婆攞錢架，買乜嘢都要問過老婆，所以都好耐冇買嘢，不過，儲多啲錢都係好嘅，留番畀仔女讀書。（儲咁多錢再買樓？）買樓？我層樓仲供緊，當年係我父母畀首期我買樓，到供完層樓就畀我啲仔女，等佢哋有屋住，咁我就完成咗今生嘅目標，其實已經叫幸福，細細個住板間房，之後住公屋，依家住私人樓，所以都好快樂，依家係人生中最快樂嘅時刻，無憂無慮，希望繼續享受呢種開心同快樂，希望香港人都係。」
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
