娛樂圈有不少恩愛夫妻,藝人胡諾言跟太太陳琪結婚10年,育有兩女一子。二人為了慶祝結婚10周年,與仔仔女女一起再拍攝結婚相,陳琪身型高挑,看起來完全不像三孩之母!
撰文:Kayla|圖片來源:陳琪
陳琪自從生下細仔Jayden後便淡出幕前,轉戰網絡世界做親子KOL,經常跟媽媽們分享湊仔、扮靚方法。今年是陳琪與胡諾言結婚10周年,陳琪就建議同老公一齊再影結婚相,而孩子就化身花童,一家五口齊齊整整。
陳琪 胡諾言 陪著你走
陳琪不時都會在Facebook放閃,又會公開感謝老公,這天陳琪發文表揚老公陪佢行山,最緊要係有「胡仔」拖住佢行, 又不會嫌她行得慢!雖然已經結婚多年,又生了三個小情敵,但兩小口仍然超級恩愛!
陳琪和胡諾言趁小朋友上學時去馬鞍山郊野公園行山,享受二人世界!由馬鞍山公園行上昂平營地可以遠眺西貢海景色,再辛苦都值得!
陳琪當然要化身「影后」,讓老公幫她拍幾張靚相!
運動型夫妻 運動家庭樂
陳琪、胡諾言二人都十分熱愛運動,他們還開始培養女兒對運動的興趣,似乎誓要組織一個運動型家庭!
胡諾言 一向有做運動嘅習慣,經常見到佢喺社交網站放自己跑步嘅相片!
陳琪一樣會分享自己著運動裝的相片,生了三個小朋友身型仍然Fit爆,果然是運動型夫妻!