近日天氣涼浸浸，不過唔緊要有一班靚女為大家增溫！當中分別有香港、馬來西亞同台灣嘅代表，相信睇到大家warm晒呀！
首先馬來西亞嘅代表有李雲迪徒弟李元玲，向來亳不吝嗇喺網上騷身材嘅佢，今日又再度出招，晒出一張躺喺椅上嘅高抄照，黑色三點式上陣嘅佢，其「Big」爆上圍表露無遺，火辣指數爆燈，元玲仲留言：「來跟我曬一曬早晨的太陽。」
台灣就有歌手曹格嘅太太吳速玲，見佢攤喺沙灘椅，邊展露燦爛笑容，邊微晒事業線，之後曹格再嚟個「老公視角」，晒出吳速玲嘅長腿，同樣吸睛十足！
至於香港代表就有藝人吳嘉儀，着上三點式嘅佢就出海游船河，展現深長事線加晒纖腰，而近日同老公去咗泰國旅行慶生嘅湛琪清，今次就以一件頭泳衣上陣，大晒白滑長腿，仲大膽跳瀑布，同樣冇得輸！
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/