歌手石詠莉(Sukie)今日上新城電台為歌唱比賽擔任評判,表示既興奮又緊張:「有好多臥虎藏龍嘅歌手,上次老公鄧健泓都有份做,今次終於到我。」又抵死笑話如果參賽者唱老公的歌會即時加分:「佢啲歌真係好高難度,有時練佢啲歌升Key都難唱。(咁唱你啲歌呢?)都會加少少,但其實感情最緊要,技巧都係其次,我準備咗把口同洗乾淨耳仔。(會好Mean?)唔會,交流為主,可能佢哋都會教到我嘢。」
問到入行後聽過最Mean的評語是甚麼?Sukie大笑自爆有好多,又自認似被虐狂:「以前組合嘅時候多到呢!咁唔會所有人都鍾意你。(最近被粗口問候算Mean?)少嘢啦,粗口都好少少,講粗口都係情緒激動、唔理智,我會當睇唔到,不過我鍾意有人話我有嘢做得唔好,咁先有進步。」至於問到老公講得最Mean的一句說話?她笑言:「話我肥!咁我就唔會煮飯佢食,要佢食自己,其實我肥都係佢一手造成,有時佢會好矛盾咁話我瘦,之後又話我肥。(佢想儲肥你生B?)唔知呢,但我哋有共識呢幾年畀時間做音樂,歌手都係被動。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/