秘密進駐東半山豪宅 熊黛林趕追仔為郭家添男丁

39歲熊黛林（Lynn）與坐擁家族百億資產、郭可盈胞弟郭可頌結婚3年，育有一對歲半的孖女Kaylor和Lyvia。阿Lynn曾揚言「BB係我嘅全部」，一直專心湊女的她錫孖女錫到燶，而Kaylor和Lyvia亦愈大愈可愛。原本阿Lynn今年初先講話湊孖女攰到五勞七傷，所以唔強求追仔。但今日有周刊指郭可頌為愛妻搬入東半山過億豪宅，是準備再追仔。早前阿Lynn在ig上載在新居露台做運動的相，相中可見，新屋居高臨下，可飽覽全個維港海景，而屋內就以白色為主調，感覺簡約時尚。有指新屋旺丁又旺財，郭太大有機會早過前度郭富城添個男丁喎。