將軍澳街坊有福啦！主打簡約輕食的玉子造屋，於七月上旬正式推出近期人氣大熱的石燒牛扒套餐，500g頂級厚切美國牛扒，配以招牌日式輕食，份量十分抵食，以後想食石燒牛扒不需要走出九龍，將軍澳都有得食啦！
撰文：Sakura、Rice 攝影：玉子造屋、Scott
石燒牛扒進駐將軍澳中心！
位於將軍澳中心主打簡約輕食的玉子造屋，於七月上旬推出人氣大熱的石燒牛扒套餐，$398二人餐就食到足料500g的石燒厚切美國牛扒，肉質鮮嫩，啖啖肉，除了頂級美國牛扒，七月中旬更推出重達700g的頂級牛肋肉供食客選擇，配上3款醬汁，包括麻醬汁、蘿蔔蓉和辣汁，食落更加鮮味，相當惹味！每個套餐更配以招牌日式輕食，包括：蟹肉沙律、小食拼盤、溫泉蛋飯和雞蛋布丁甜品，份量十分抵食，將軍澳街坊記得留意啦！
$398二人餐 500g頂級美國牛扒
玉子造屋新推出的石燒套餐系列，率先推出的是$398二人餐，用上500g頂級美國牛扒，客人可燒至個人喜愛的熟度，燒時其油脂溢出，肉質多汁，口感腍滑，十分惹味，另配上餐廳招牌日式輕食，份量十足！
700g頂級牛肋肉
另一款$398二人餐，於七月中旬推出的就是700g頂級牛肋肉，同樣是肉質腍滑富彈性，燒香後再加入芝麻醬汁、蘿蔔蓉和辣汁等一起食，入口更鮮味，外層酥脆。
玉子造屋
地址：將軍澳唐德街9號將軍澳中心地下B03C號舖
電話：2395 8844
營業時間：星期一至四 11:30am – 9:00pm；星期五至日11:30am -9:30pm
