睇住老婆同其他男人激咀嘅感受係點，相信冇幾多人想知！藝人王祖藍就將呢種充滿悲痛嘅心路歷程拍片放上網同大家分享！
近日無綫劇集《烈火雄心3》喺凌晨重播，當中飾演高級消防隊長「卓柏宇」嘅鄭嘉穎，同飾演「潘凱琳」嘅李亞男喺劇中有一段情，呢日故事發展到表白場面，跟住當然就唔少得咀嘴，佢哋攬到實激咀咗成分鐘！王祖籃喺屋企睇住呢一幕，佢企喺電視機前不斷配音加料，例如：「你結咗婚囉喎」、「點可以咁做」，睇完晒之後即刻露出嬲豬嘅表情，仲話要打畀鄭嘉穎老婆陳凱琳！
喺片尾時聽到李亞男把聲話：「你影完未呀！」原來同王祖藍係喺屋企一齊睇電視，唔少網民都留言讚王祖藍嘅表情到位，交足戲真係呃得下人！
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
