藝人郭羨妮與陳豪日前在澳門出席兒童時裝周，育有一女的郭羨妮坦言很留意女童服裝，認為買給小朋友的衣服首要着重衣料：「質料唔可以令小朋友敏感，女仔好鍾意着公主裙、紗裙。」她指7歲女兒年紀少少已懂得揀衫：「我會掛好晒啲衫，打開個衣櫃，問佢補習想着咩，佢要一字膊，我就話一字膊唔係着去補習。（可能補習社有心儀男仔？）我懷疑係。」問到有否試過穿親子裝？她坦認曾一家三口穿同款衞衣去旅行：「喺香港唔會咁着，旅行就當係一個紀念，好Sweet，我哋三個件衫係一樣款，兩個心心，但唔同色，不過囡囡嗰件已經唔啱着。」
東網網站 : https://on.cc/
東網Facebook專頁 : https://www.facebook.com/onccnews/
