藝人劉佩玥（Moon）與一眾《降魔的2.0》演員派發抗疫物品，講到昨晚一集的劇情講到已變鬼的她跟父母終解開誤會，好好道別，她表示自己很感動：「無論香港定其他地方，唔係咁幸運每個小朋友可以好健康，唔係每次都可以黑頭人送白頭人。」她有與父母一起睇此集，自己睇到喊，媽媽亦睇到眼濕濕。問到媽媽現時最大的心願可是想睇到她結婚？她笑言：「佢從來冇催我，好多媽咪都唔想個女咁快嫁出去，我依家都想多啲時間可以陪媽咪。」
而講到她被影到上緋聞男友周志文屋企，她笑言：「去朋友屋企由細到大都係非常正常嘅事，去玩同傾偈。（你哋孤男寡女？ ）絕對唔係孤男寡女，有佢爹哋媽咪喺度，其實係好正常嘅事，唔使放到咁大，我都成日去阿康（周志康）屋企玩㗎。」講到她經常出席周志文的家庭聚會，融入家中，她笑言：「其實我個個屋企都好融入，我好入屋架嘛！」問到對方父母可喜歡她？她讚自己笑言：「我咁可愛嘅女仔，相信好多長輩鍾意我，同埋可能我屋企有老人家，所以識得同比我年紀大嘅人相處，我係人見人愛嘅，哈哈。」
東網網站 : https://on.cc/
東網Facebook專頁 : https://www.facebook.com/onccnews/
