藝人陳煒、莫家淦和衛志豪到寶林邨派口罩，在場有千名長者攞定籌，不消半個鐘派完一萬個口罩。陳煒自言冇需要撲口罩，家中有一、兩盒覺得足夠，她透露男友陳國強的醫學美容診所曾因缺口罩未能開診，她說：「過完農曆年周圍都冇口罩，有朋友喺泰國，寄咗啲嚟，男友先至可以應診。」
她說設計師好友何國鉦亦分了半支漂白水給她，其他防疫用品都有，問到男友診所生意有否受影響？她說：「全部人都有影響，少咗人睇醫生，（多咗時間陪你？）唔係，佢照返診所。」陳煒稱外面的工作全停，現時主力宣傳《法證先鋒IV》，提到下周發展她與鄭子誠的感情戲，問到有否親熱戲，她說：「冇，反而康華有床上戲，全靠佢拍床上戲時，我先至中間有個空檔返屋企沖涼落妝，連續拍咗48小時未落過妝。」
東網網站 : https://on.cc/
東網Facebook專頁 : https://www.facebook.com/onccnews/
