喜歡日本抹茶嘅人對來自京都宇治、有逾百年歷史嘅「中村藤吉」這名字應該不會陌生，而香港更係品牌首間海外分店嘅進軍地，於2015年在尖沙咀開設首間海外分店，當年可謂非常轟動，事關京都抹茶老字號首次登陸，帶來當地茶飲及香港限定甜品，包括經典嘅芭菲、抹茶和焙茶雪芳蛋糕、抹茶芝士蛋糕、雪糕及蕨餅等。最重要係，由開店起，尖沙咀店及後來開設嘅金鐘店都日日大排長龍，粉絲花不少時間來品嘗獨特抹茶滋味，然而，早兩星期，粉絲日日食閉門羹，原來兩間分店由11月28日起結業，最近正式公告退出香港市場。
粉絲想品嘗招牌芭菲及特色飲料就要飛到日本，如京都宇治總店、平等院店、京都站店及東京銀座店等茶室才有機會吃到了，如果你只想呷一口「老字號」嘅抹茶滋味，簡單，可在品牌網上店或香港一些日式百貨店或超市搜羅得到。
而京都宇治總店更有茶道體驗，只要事先預約，便可以親身體驗用石臼將茶葉磨成抹茶，並於元祿樣式嘅茶室「瑞松庵」中沏成濃茶或淡茶，以及品嘗鮮茶凍等茶點心呢！
東網網站 : https://on.cc/
東網Facebook專頁 : https://www.facebook.com/onccnews/
