[登記做選民] 體育社團 成為功能組別選民有方法

六月份，香港經歷多場群眾運動，掀起一股登記做選民熱潮，誓要將香港人聲音帶入議會。大家除咗要盡公民責任登記做選民，亦要留意所屬嘅專業或行業，可唔可以登記為立法會功能組別選民，攞多一票。能夠選出立法會議員之餘，亦有機會成為選委會選出特首，發揮公民力量。

雖然各位鍾意做運動嘅朋友，絕大多數都唔可以成為「體育、演藝、文化及出版界」選民，因為呢一個組別，都係以團體 (或公司) 為單位。不過各個跑group、跑會，以至各個運動團體，甚至係網上跑group負責人，其實值得研究下登記成為投票一份子。

民間體育團體成為功能組別選民方法

步驟一: 註冊為法定社團或公司

• 經警務處註冊的法定社團 (社團最少三位管理層，申請連結)；或
• 香港註冊的公司

步驟二: 成為政府規定之體育團體屬會

要擁有體育界別選票，必須為政府「特選」各個體育團體。不過，依照傳媒報道，要加入呢啲團體 (共19個) 而成為屬會，再取得投票權，其實唔算太難，畀錢就得。

步驟三: 12個月後登記做選民

2020年立法會選舉嘅選民登記，於2020年5月2日前截止。不過好可惜嘅係，你要取得上面團體屬會嘅12個月之後，先可以去登記。所以，就算而家即搞，都無辦法喺2020年立法會功能組別選舉投票。

有線新聞曾經喺2017年做過呢方面專題，大家按步就班跟住做就得。

想搵個真係代表到香港人嘅體育界議員，下一屆可能都未必得。不過只要大家團結一致，仍然可以香港人聲音帶入議員。

選舉事務處 (申請為功能組別選民說明書)

Fitz連結: https://fitz.hk/?p=121781