馮志強執導電影《犯罪現場》昨晚舉行首映禮，一眾演員古天樂、宣萱、姜皓文（黑仔）、張繼聰等出席。適逢古天樂跟姜皓文為10月生日，分別10月21及10月26日，大會特別安排生日蛋糕為兩人賀壽。不過首映禮進行期間，有一名內地女子在場外不停向古仔揮手，又大聲自稱是古天樂老婆，不過古仔在台上處變不驚。
剛渡過49歲生日的古仔，對於生日願望，他表示身體健康，因為有身體健康才可做其他事情，今年有跟朋友吃飯，正日生日與家人慶祝，反而未有跟粉絲聚會慶祝，因為擔心交通方面麻煩。
身為好友的宣萱，笑言有送生日禮物畀古仔，相當適合對方，又爆自己會記得朋友每生日，皆因會在記事簿記下，所以每次睇到便會傳訊息給朋友祝賀，朋友就會好開心。雖然古仔未有透露宣萱所送的是什麼禮物，但他笑言好鍾意，自己也會記得對方生日。宣萱即說：「遲左一日囉！記一世。」
對於票房成績，古仔坦言有祈望，盡力演出外，雖然票房不能控制，但當然希望大家睇得開心。談到若跟宣萱再合作演那類型角色，古仔表示宣萱想演反派，但未暫時未計劃好。宣萱則謂曾睇過美劇講及患有自閉症的醫生，如有機會演的話也想嘗試演這類角色。
