自去年「反修定逃犯條例」運動開始,警民關係一直未見改善,雖然最近香港受疫情影響,但仍不時傳出警民對峙的消息。向來都高調撐警的無綫男星楊明早前曾表示過自己開設的燉湯店因為疫情關係試過夜市一個客都沒有,不過他仍然不忘向警員送暖,燉湯店跟香港警察隊員佐級協會合作推出折扣優惠,認真忠誠!
近日網上就流傳了一張楊明燉湯店的宣傳單張,見到上面寫住「堂食或外賣均享有10%折扣優惠」,而且使用條款上更列明會員及其家屬憑會員證都享有優惠,大量訂購亦有9折,消費過$1500仲免運費!有指,楊明跟女友莊思明仲親力親為親自出動送外賣,更跟客人們合照。
其實楊明不時都公開撐警,過去曾公開跟謝振中、郭嘉銓、江永祥等警隊高層的合照,留言:「正能量香港警察不離不棄。」早前又拍片為因為疫情要隔離的警員打氣:「各位兄弟姐妹,雖然你哋因為工作關係要隔離14日,但係你哋放心,你哋只係入去休息14日,好好休息,唞足精神咁行返出嚟。我係《機場特警》沙展馬容義Easy,加油!」