請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

留家冇增進感情 吳若希成日見老公呻悶

on.cc 東網

更新於 2020年04月10日08:07 • 發布於 2020年04月10日08:07 • on.cc 東網
吳若希又講老公!
吳若希又講老公!
對得多會悶,但吳若希唔會搵情趣。
對得多會悶,但吳若希唔會搵情趣。
吳若希話自己都有經濟壓力,細佬學費停課都要交。
吳若希話自己都有經濟壓力,細佬學費停課都要交。

歌手吳若希(Jinny)到電台宣傳新歌《這位蠢才》,笑言自己比較蠢,自爆最近才發現自己叫錯公司高層個名兩年多:「我叫錯杜生(杜之克)個英文名,其實佢叫Felix,但我就叫錯佢做Philip,但我叫佢嗰陣都有應我,直至之前拍《多功能老婆》,洪永城同我講番我先知自己叫錯名,好尷尬,不過杜生冇嬲,佢應該心諗我英文咁差,不過唔緊要啦,公司好有愛。」她又笑言自己常發生這些事,但此事實在太瘀及時間太長。

問到可是生完BB後常發生這些事?她表示:「記性係差咗,好似慢半拍,朋友都成日嫌棄我,不過啲人話3年後就會回復正常,我今個月月尾就係3年,所以都好期待。」問到到時可會幫囡囡慶祝3歲生日?她表示:「冇得慶祝,都有諗過啲活動帶佢出下街,但都係提高警戒好啲。(佢好耐冇出街?)由停課開始冇乜出,差唔多兩個月,但間中都有落下樓。」問到時可會幫囡囡在家開party慶祝?她謂:「唔會啦,朋友都唔想搞到小朋友,尋日經理人送咗個玩具畀阿囡,見到佢竟然對住公仔自言自語,我都驚佢真係冇朋友。」

追多個順其自然

記者叫她生多個與囡囡玩,她笑言:「咁我咪繼續蠢多3年?哈哈,其實都有諗過,都有計劃,囡囡都想要個妹妹,但呢啲可遇不可求,所以順其自然。(努力緊?)唔知係咪努力,係正常生活。(依家多咗時間喺屋企?)都唔代表夫妻關係會增進,對得多會悶,會冇咗浪漫感覺。(搵啲情趣?)唔會呀,同佢都係講搵多啲生意。」她坦言有經濟壓力,因成家人要照顧,有老有嫩,其中讀中學的弟弟最近停課都還要交學費。

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0