請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

生活

留學不同Working Holiday!去日本留學的五個心理準備

Cosmopolitan HK

發布於 2019年02月22日03:30 • Cosmopolitan.com.hk

由畢業至到工作一段時間之後,都會跌入一個「厭悶期」,沉悶及沉重的工作生活令到你好想放一個長假,但又唔想裸辭,即使有錢,有大假都好,假期始終都會結束,就算年齡啱啱好仲可以去到Working Holiday,但去到咪又係要Working,想來一次有意義又唔想玩多過做嘅出走,不妨考慮一下留學,而日本也是一個香港人出國留學的好地方。

▲ Cosmopolitan.com.hk
▲ Cosmopolitan.com.hk

留學不同Working Holiday

留學同Working Holiday好唔同,後者其實你帶夠錢去嘅話係可以完全唔Working,而且有年齡限製,如果你已經30+,就連呢個出走嘅機會都無埋,但留學雖然要洗一筆錢,但至少無年齡限製,而且確保你至少學到嘢,畢生受用!留學並唔係要選讀一個專修科,其實選讀一種語言也可以,因為很多地方都會想留學生學懂當地語言,熟習當地環境同生活文化,其中日本有很多提供預外國人入讀的語言學校,可以俾你有一個搵番人生目標嘅假期。

▲ Cosmopolitan.com.hk
▲ Cosmopolitan.com.hk

無學過日文都得?

走入「厭悶期」就會有一種想變番做廢青嘅心態,但係社會嘅規範會令到我哋好難再返番去無經濟負擔嘅階段,所以心態上唔可以諗住留學就咩都唔做,日本有很多大學都有提供專門給外國人的日語課程,加上在日本這個純日語的環境,很快便能練得一身好日語!入讀後,係有機會可以考獲日本語能力試驗的N1程度,假期之餘,但同時可以增值一下自己其實非常化算。所以你入讀之前,並無學過日文亦可,可以說是由零開始。

▲ Cosmopolitan.com.hk
▲ Cosmopolitan.com.hk

小心選擇語言學校

確定好要留學之後,就要考慮錢嘅負擔同選擇學校,語言學校的價錢大約是12至18萬一年左右,而開學時間大多數係分4個時段,包括:1月、4月、7月及10月四個開學時間,一般都 可以自行報讀,不過日本的語言學校都會需要你用日文填寫申請書,如果你係完全唔識日文,坊間亦都有很多代辨入學申請的公司可供選擇。雖然係留學,但都要好似Working Holiday需要遞交經濟能力證明,證明你可以喺日本交學費同生活。

▲ Cosmopolitan.com.hk
▲ Cosmopolitan.com.hk

在日本留學的住宿問題

語言學校會連宿舍亦有協助尋找寓所,建議選擇有宿舍的會較好,因為一般在日本租屋需要有日本人做保證人之外,仲需要繳交禮金,所以為咗慳錢,住宿舍會比較好,而且宿舍多數都會有埋傢俬同包埋水電,會令你容易啲開始當地的生活。

▲ Cosmopolitan.com.hk
▲ Cosmopolitan.com.hk

留學生做part time

要去另一個地方生活,唔多唔少都會無哂安全感,語言學校識到嘅同學大多數係外國人,好似台灣人,韓國人等等,除咗大家一齊感受日本文化同享受日本嘅氣息之外,其實都可以試下喺當地打工,留學生每個星期最多只可以兼職28小時,可以賺下日常開支,同時可以有多啲機會講日文同識下日本朋友,不過首次入境嘅日本留學生記住要喺機場或者居住地嘅入國管理局申請「資格外活動許可」先可以打工!這個跟本身拿日本Working Holiday 簽證中不受限制的工作時數有很大分別!

▲ Cosmopolitan.com.hk
▲ Cosmopolitan.com.hk

▲ Cosmopolitan.com.hk
▲ Cosmopolitan.com.hk

三十而立,好多人都唔夠膽出走,去到事業的「厭悶期」,但又怕放棄事業,被人話不設實際,但如果可以俾自己休息一下,暫時放低一下社會俾自己嘅規範,去留學一年都未嘗唔係一件增加人生經驗嘅好事!

**Follow us on:

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0