男友不是攝影高手，女朋友因為影唔到滿意呃like 相而嬲嬲豬？唔好再因為咁而鬧交啦，女攝影師Kiu Yip 繼分享完女生合用的 3 款入門級相機，今次再指點男朋友們，教你7 招幫女友影呃like 相！
▲女攝影師Kiu Yip，修讀媒體及視藝，主要負責婚禮、孕婦及嬰兒攝影，善於捕捉人與人之間的情感。
1. 謝絕⾼抄！
男友仲停留在⾼抄影相的技巧？No～雖⾼抄會顯得女友⾯尖，但⾝形就會顯矮，絕對不能一味⾼抄。
幫女友影呃like 相時不妨像拍拖一樣，偶爾放低一點⾝段，微微屈曲雙腳，就返女友身高，取水平eye level 影相，照片效果更好！
2. 男友影相要學識引導！
與其要女友擺定Pose 等你影咁做作，不如試下捕捉她隨性點的動作。教大家一招基本功：趁 女友玩⼿機時叫一叫佢，趁她抬頭望你時捕捉鏡頭，那一個眼神、動作比刻意擺pose 更美呢！
3. 男友變龍友，必學連拍模式
成日影到女友合埋眼、頭髮俾風吹？出動連拍mode 啦！你大可嘗試叫女友做⼀連串動作，例如叫她⾏路、 紮頭髮、回頭……但切忌同⼀動作太多NG，女友也會不耐煩啊。
4. 頭髮、⼿、道具都是小幫手！
成日齋影樣，悶唔悶啲呀？花點心思找道具幫手，張相即刻唔同咗！好似小編今次來到觀塘海濱的長廊，一棵樹甚至公園裝置都成為取景好幫手。如果雙手好唔自在，可以試試撥頭髮修飾面型，又會自然一點。
5. 男友出街必帶wide鏡！
女友、老婆影相最緊要顯瘦、腿長，尤其謝絕包包臉！出街記得自備wide鏡，wide angle不但有顯瘦功能，亦可影到更多景物，在影全⾝相更表達到當時情景，最適合情侶⾃拍、影全⾝outfit！
6. 啟用相機、手機 九宮格線！
景靚、人靚、道具齊，但都仲係影唔到呃like 相？咁可能係構圖出事！教男友學習IGer都喜愛的九宮格三分法來構圖吧！先啟動⼿機、相機內置的九宮格線，將主體放在垂直或⽔平的交叉點上，⽽主體通常佔整張相3分1，就應該是零失敗作品！
7. 情侶都要保持耐性、多溝通！
男⽣們最難捉摸女友點先approve 張相，想捏準她想要的拍照⾓度，就同拍拖相處⼀樣，需要磨合加上耐性！ 影完俾女友望望，聽下佢意見，既show到關⼼，又會慢慢了解女友的喜好！女友自然不敢發你脾氣！
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
