閨蜜跟男朋友開開心心出發去旅行，殊不知黑口黑面返香港，差啲要鬧分手。細問之下原來旅行時發生多件不快事件，又鬧交又冷戰。你以為他們鬧分手的導火線好嚴重？其實只係5件芝麻綠豆小事，分分鐘都發生過喺你和男朋友身上！
1. 人肉GPS失靈
▲陸浩明（6號）跟女友Ayan經常旅行。
去旅行，大家都人生路不熟，但女生總對男朋友有期望，亦想把握時間遊盡各個景點。偏偏男友GPS失靈，迷路以至無法準時到達景點，惹來另一半發脾氣。唔好以為呢件小事只發生在該閨蜜身上，旅遊搜尋網站Skyscanner訪問了1,100多名港人，當中17%受訪者話有以上同樣經歷！男朋友們今後請做足功課啦！
2. 旅行是為了血拼定觀光？
▲鄭希怡Yumiko最近跟老公二人世界同遊希臘。
去旅行，唔係唔去outlet血拼吧？仲有日本藥妝店、韓國化妝品店、就連當地超市都可以大掃貨！閨蜜的男友正因太多shopping時間而不滿。事實上14% 受訪者也稱吵架是因為「對旅程抱著不同期望」。下次出發前，雙方必須好好溝通及遷就，以免到達當地才鬧不快。
3. 男友唔識影相 旅行無得放閃呃like！
▲鄭希怡Yumiko老公超識影相！
女生都希望趁旅行影相呃like放閃，可惜男友嘅影相技巧強差人意，影極唔啱心水而嬲嬲豬；男友都不甘示弱，嫌影太耐而浪費時間，最終又係吵架收場。原來都有13% 的受訪者因對方拍攝技巧欠佳 ，或者對方花太多時間拍旅行照片而爭吵，唔知有無你份呢？
- 一人話晒事！
▲楊怡、羅仲謙旅行合照。
情侶相處最忌一人主導，旅行亦如是。自己一個plan晒成場旅行，食乜玩乜，幾點起身等等另一半完全無say，好難唔鬧分手啫。受訪者中都有13%話接受唔到而嘈交！
5. 亂洗錢也是罪！
旅行大洗啲都係正常事，閨蜜話難得去次歐洲，有咁多名牌outlet，唔買對唔住自己，而且都係洗自己錢，又唔洗男朋友買單，但都因理財觀念不同而感情生變。8%受訪者亦發生過同類事件，可以並非冰山一角。
如果你同另一半剛剛開始交往，想透過旅行增進感情，但又怕鬧翻而令戀情告終，可以先選擇一些較短途的目的地作首次旅行，例如週末快閃，一嘗與對方朝夕相處的感覺。短途旅行有助情侶調整期望，學會如何妥協，讓下次旅程更圓滿。
另外，雙方都要參與規劃旅程，表達對旅程的期望及想法，包括是預算、行程、航班和住宿等喜好，學識遷就及協調，都係情侶間必學的相處之道。
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
