魔術師甄澤權獲「第47屆香港十大傑出青年」，頒獎禮將於12月8日舉行，他晚上於尖沙咀筵開6圍宴請「沿途幫過自己的人」，藝人何雁詩、楊明、莊思明、林盛斌及陳庭欣等都有到賀，場面熱鬧。
談到得獎，甄澤權直言開心：「細細個就聽過呢個獎，當初徐美琪女爵士提名我，我覺得自己唔得嘅。呢排都做多咗慈善表演，又會出席講座，同青年人分享我心路歷程。」
談到人生路上得失，甄澤權坦言：「我成20歲先學魔術，最初決定做魔術師嘅兩年，試過月入得1、2千蚊，暱埋屋企唔出街。當時女友有穩定工作，佢全力支持我，所以依家佢成為咗我太太。（當初變魔術追佢？）1、2個啦，佢依家變咗最憎睇。」他又謂自己最感激太太及家人的支持。
--------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
