藝人高海寧（高Ling）與楊明出席無綫新劇《婚姻合伙人》宣傳，期間與眾演員玩攀石，玩到情緒高漲的楊明，又孭住高Ling玩深蹲，不過即使被高Ling胸壓，但楊明似乎無福消受，更表現力有不逮，高Ling還以手掩其嘴巴，不讓他大叫，最終楊明僅完成四下便攰到瞓地，場面搞笑。
首度當「女一」的高Ling承認壓力大，但隨住劇集播至一半，現已壓力全消，問到劇集收視好會如何慶祝？她笑說：「我同林秀怡講好話互推落泳池，依家就加埋推楊明落水啦！（到時會唔會比劇入面更性感？）性感嘅嘢就交畀秀怡啦！」楊明則表示：「要睇女主角點做，我主力睇啫，其實劇入面我都唔介意露少少車軚啦！（唔驚再同高Ling又整嬲女友莊思明？）少少啫，咁嗰次佢係有少少唔舒服，高Ling又係我老友。」高Ling亦附和說：「係唔需要擔心我。」
東網網站 : https://on.cc/
東網Facebook專頁 : https://www.facebook.com/onccnews/
