名模馬詩慧二女王麗嘉出席內衣品牌活動，以 Bra Top上陣嘅佢十分型格，問到佢最鍾意咩內衣嘅設計，她說：「簡單同喱士嘅款式自己都好鍾意。（定唔着最舒服？）咁都係，都有試過喺香港唔着Bra，就咁着件衫出門口，但啲人望住晒，用啲好鹹濕嘅眼光，覺得唔係好舒服。」現時向模特兒發展嘅佢，話咩都想嘗試，最希望可以去行騷：「但香港冇乜騷行，所以會想去外國行多啲。」
講到細佬王躍穎（Kadin）同芬蘭女子Inka打得火熱，問到其實係咪女朋友？王麗嘉話唔知：「佢成日都好多女朋友，我覺得佢都唔係認真拍拖。（有冇見過個女仔？）冇見過，咁代表佢唔係認真啦！（睇相呢？）有，覺得個女仔幾靚。（爸爸媽媽知唔知？點睇？）知，佢哋冇嘢，不嬲對細佬都冇咁嚴。（會唔會覺得對你同家姐唔公平？）唔會，都明白，爸爸對女仔係緊張啲。」
---------------
立即參加「賞您睇」： http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
