由溫碧霞（Irene）主演的電影《墮落花》早前獲越南「The Best Movie Icon」獎、又入圍今屆香港亞洲電影節「隆重呈獻」環節及澳洲「第十屆金拉考國際華語電影節」，剛於「絲綢之路國際電影節」中，Irene更獲「最佳女主角」獎。
Irene表示之前電影入圍多個影展已經很開心，代表大家都喜歡這部電影，是一個很大的鼓勵。對於獲得「最佳女主角」獎項，Irene超開心：「我而家喺峇里島聽到呢個消息超開心！不過有啲可惜，因為咁啱我約咗屋企人渡假，所以冇去到呢個影展、冇親手攞個獎，但係聽到呢個消息真係好開心！好多謝楊生（英皇集團主席楊受成）畀呢個機會我去拍呢部戲。」
Irene指加入英皇後覺得很warm，整個團隊都好錫她：「楊生、Shirley、Mani（霍汶希）、經理人，有佢哋我先可以拎到呢個獎。同時亦好戥整個劇組開心，仲要多謝導演、監製。」除了公司老闆及團隊，Irene表示有一個人一定要多謝，「就係我丈夫，因為一直以嚟佢真係好支持我、支持我嘅演藝事業，係佢話畀我聽『你得㗎！』所以我先至咁堅持去做我自己，我一定要多謝佢！。」
另外，問到角逐今年香港電影金像獎最佳女主角一獎的信心時，Irene透露有信心，但一切隨緣：「而家攞咗呢個『絲綢之路國際電影節最佳女主角』，對我嚟講已經係一個好大好大嘅支持同鼓勵。金像獎方面，而家嘅心情都係隨緣，所有嘢交俾上天，好多嘢上天會有安排，唔需要太介意得獎與否，咁樣先至會更加開心，用一種好隨緣嘅心態去睇獎項，當你攞到嘅時候就會雙倍嘅開心。」
撰文：機
