試過同人去旅行就會發現，要遇到好旅伴一啲都唔容易，遇到嘅話就好好珍惜，如果遇唔到嘅話，其實可以試下獨遊，而且一個人旅行並無想像中咁難，甚至好有可能試過一次就上癮！不過未試過自己一個旅行，又唔知應該去邊好，就可以參考下以下嘅意見！
台北
一開始第一次一個人旅行，最好揀啲難度無咁高嘅地方，台北會係個幾好嘅選擇～因為台北交通非常方便，無咁驚搞唔掂交通同盪失路，至少語言都溝通到！
而且有咁多好嘢食，仲要多夜市，唔怕得一個人試唔到多嘢食，去夜市掃街仲可以樣樣都試啲～要去睇景地方都唔難！
東京
東京係個幾多元化嘅城市，想行街有行街、想食嘢有美食、想睇景有美景，甚至想挑戰一下去周邊特別少少嘅景點都有！幾適合想一次過去晒好多唔同地方嘅你，唔會因為一個人旅行怕悶，因為獨遊就係可以根據自己嘅狀態、速度去唔同景點～
大阪
大阪相對東京係個比較熱鬧嘅城市，包含晒行地下街、商店街、商場，要掃街又可以～而且好多人都去過呢到，比較熟悉之餘，仲可以去返之前同人一齊去漏咗去嘅景點、美食等～
曼谷
相對消費比較低，而且可以去做下spa，食下甜品，購物嘅地方都唔少，幾適合一個人放空下，去食下好嘢、行下街，放鬆一下～不過去按摩記得要搵下口碑好嘅店舖，同埋自己要小心！
新加坡
新加坡治安幾好，一個人去旅行都會無咁擔心安全問題，而且當地語言以英文同普通話為主，唔需要擔心溝通唔到～新加坡熟食中心都唔少，可以試到當地特色美食，仲會發現到啲馬來西亞美食添！而新加坡都好多特色cafe同影相地方！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載
留言 0