視帝陳展鵬太太單文柔呢排都同囡囡「小豬比」留在家中避「炎」，透露好想出外呼吸新鮮空氣，而近日似乎佢終於忍唔住要「出關」，繼日前一家三口戴實口罩出街，呢日佢仲單拖行山，佢喺社交網先上載喺獅子山下嘅獨照，並留言：「我要爬上呢座山」，仲獲老公陳展鵬留言笑佢用錯字：「爬？登山」，相當搞笑。不過單文柔真係講得出做得到，話咁快就上到山並坐喺石頭上拍照，佢表示：「太陽出來了，爬山去，吸收一下維他命，大家都要身體健康。」而佢亦喺山上「大解放」，趁機唞下氣除罩示人，䀆情吸收新鮮空氣。
東網網站 : https://on.cc/
東網Facebook專頁 : https://www.facebook.com/onccnews/
