同人類小孩一樣，幼犬亦會經歷恐懼期，呢段期間會突然對於以前給予佢地安全感嘅事物、人物產生恐懼感。雖然只係一個過渡性階段，但主人處理不當嘅話，就好可能令小狗留下陰影，導致恐懼變成永久影響。
A post shared by @yj5053 on Sep 15, 2019 at 10:20pm PDT
狗狗會經歷兩次恐懼期，第一次就發生於第8-12週。幼犬喺呢段期間會學懂安全與危險嘅分別，所以佢地會出現於沙發上吠叫，或者係怕生嘅行為。其實呢類行為都係狗狗重新評估周遭環境嘅表現，佢正係努力理解緊呢個世界呀！由於狗狗嘅恐懼感會受呢個時期嘅記憶影響，所以主人要努力為佢地創造美好回憶，令狗狗建立起信心。
A post shared by Bin Bin@馬爾濟斯 (@binbin_maltese) on Sep 15, 2019 at 8:17pm PDT
而第二次就會發生喺第6-14個月啦！如果發現自己嘅狗狗突然表現得與以往不同，對熟悉並相處和諧嘅事物出現恐懼反應嘅話，就代表狗狗進入咗第二次恐懼期啦！呢段時期狗狗會變得難以捉摸，就好似人類青少年於青春期嘅表現一樣，令人難以預測。而且佢地所害怕嘅事物變得非常快速，主人喺呢個時候就要冷靜面對，好好安撫狗狗情緒，為佢地打造出安心嘅氛圍。
A post shared by Petit (@petitchihuapoo) on Sep 15, 2019 at 7:04pm PDT
喺狗狗渡過艱難時期果陣，主人最重要就係給予關懷同耐心，減少佢地嘅緊張情緒。當然都係提供合適嘅訓練，幫助狗狗克服恐懼啦！
