近日連登仔發動「反紅媒」活動，網民主要就是不滿無綫新聞報道偏頗。其中一位主播金盈的Instagram就引來：「無綫新聞，出賣港人」「不分是非黑白」等留言。早前金盈留言就叫網民「你可以讀新聞系做記者」，再惹來網民質疑：「有質疑就要做記者？咁質疑林鄭，咪要去做特首？」不過剛剛再去其IG，已經停止留言功能，舊留言都已經全刪。
早前金盈的回應是：「如果你有質疑，你可以讀新聞系做記者，了解更多，中立咁將事實報道出嚟，我認為睇一件事要全面，就係要睇多間傳媒嘅報道。」網民就覺得很奇怪，有網民說：「原來要讀過新聞系先了解到事實真相，真係失敬」「咁你有無讀過新聞操守？」亦有引用網民常說的一句：「那一定要懂騎馬才能做評馬人？」
其實之前當有人說無綫假新聞時，她已經留言過：「可唔可以講吓你覺得邊一則係假新聞呢？如果真係有作嘢或者同事實不符，而你身在現場，有最準確嘅消息同證據，你可以電郵我哋公司又或者通訊局投訴，咁樣係最實際做法，亦真係可以為件事好。」當時已經有網民回應：「「TVB一路都好多投訴，6月至今1.2萬宗，貴公司有正視過咩？有用咩？你哋咪又係咁。唔好講到大義滅親咁啦，為件事好？我真係笑咗。」
至於金盈本人，2012年畢業於香港珠海學院新聞及傳播學系，初期於香港寬頻香港新聞台當主播，2014年4月香港新聞台停播後，過檔鳳凰衛視香港台當主播，2015年12月再過檔無綫新聞。珍惜自己份工，可以理解的。
