藝人朱晨麗（朱朱）早前為瘦身產品拍攝電視廣告，穿上粉紅色低胸裙仔的她不經意露出深長事業線！別看鏡頭前朱朱勁精靈，其實拍攝前一晚還在為劇集開大夜班，收工返家小睡片刻即投入廣告拍攝，還應要求擺出不同甫士，表現專業交足戲，沒有露出半點疲態。
拍攝過程換了三、四個造型，朱朱笑言期待廣告出街的反應：「第一次拍瘦身廣告，個品牌都係第一次搵藝人拍。（咁性感，酬勞好高？）好滿意囉！睇客戶要求啦！我會盡量配合，之前着Bra Top影咗一輯平面嘅，呢輯就會喺各大平台同電視都睇到，算係處女下海試水溫，我未試過拍呢類廣告，亦未試過着到咁去拍，兩次都着成咁，其實我平時好少咁着㗎！」
東網網站 : https://on.cc/
東網Facebook專頁 : https://www.facebook.com/onccnews/