藝人陳庭欣（Toby）為無綫節目《第二屆兒童及青少年粵劇折子戲大賽》錄影，談到早前滑水受傷，但近日卻唔怕死又再進行挑戰，Toby笑指傷勢已好了不少，故趁夏天完結前，找緊機會落水。
她不諱言同事對她滑水有微言：「因為化妝遮唔到，傷口好近眼部，所以之前睇番主持《東張西望》片段，隻眼係見到少少紫色。（男友冇阻止你咩？）我出事時佢都喺度，佢又鍾意滑水，所以冇阻止，剩係話跌落水其實有技巧，隻腳要撐開塊板。（佢唔早啲提你？）之前都有人提，下次就識啦！我係一個反面教材。」
提到她於社交網上載母親做水中跑步機，她指母親經常腰部及大髀痛，經診斷後發現其肌肉量少，故建議她透過水中跑步提高體格，更說：「其實已經成日同佢講，佢就以為落街買個餸就係做運動，所以係要帶佢出去畀人教先得。」
-------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
