諗起跌膊裝一定會諗起佢，佢就係溫碧霞（Irene）！Irene自從於1992年主演無綫劇集《火玫瑰》，劇中的角色「海潮」深入民心，更成為穿跌膊裝的代表人物，Irene無論時裝定古裝，都少不免要跌一跌膊，而且古今中外都只有佢一人能夠Carry到。
講完海潮後，不得不提Irene喺2001年無綫電視劇《封神榜》入面飾演嘅蘇妲己，以一身跌膊裝賣弄性感，妖惑紂王（鄭子誠飾）興建酒池肉林，更煽動紂王殺害忠臣，睇到觀眾恨之入骨，奸到出汁的演技及妖艷性感又攻心計的妲己，令觀眾留下深刻印象。
估唔到19年後，觀眾仍然可以再一睹Irene飾演妲己風采，溫碧霞接拍了大陸劇網絡劇《親愛的義祁君》，入面飾演高太妃一角，不僅造型與妲己相似，連角色性格也相近，表面溫和無害，實則城府極深、心狠手辣。現年53歲的Irene在劇中以多套跌膊裝上陣，妖艷性感，與19年前相比，樣子身形一啲都冇變，夥拍劇中年輕女演員，Irene也絕不遜色，連網友都問：「平常在吃防腐劑嗎？」
東網網站 : https://on.cc/
東網Facebook專頁 : https://www.facebook.com/onccnews/
