藝人陳展鵬和太太單文柔夫妻檔現身髮型店開幕活動，講到太太單文柔相比未生小朋友時身形更纖瘦？展鵬望着太太笑謂：「係呀，辛苦佢，唔好意思，係辛苦過以前，因BB開始識行識爬，走嚟走去。」單文柔笑道：「所以我就跟住BB跑嚟跑去。」
講到展鵬搬了很多廚房用具回家，他謂：「其實係贊助商送，希望之後煮多啲好嘢食，養番肥少少太太啦。（邊個下廚？）佢好鍾意廚嘢食，我就做白老鼠，佢就負責煮啦！」講到今年無綫台慶變錄播，事前是否已收到通知？展鵬謂：「真係錄完先知，其實我哋成班藝員都有啲唔開心，因為52年係第一次要錄播，公司可能覺得呢段時間應該要咁做，咁我哋好多同事都孭緊劇喺身，公司都係想保障我哋出入安全順利，都明白呢個決定，等出年台慶大家再練多啲嘢畀大家睇啦。」
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
