韓劇《愛的迫降》熱爆全城，播出結局後仍然話題不斷。劇中玄彬飾演北韓軍官的利正赫溫柔體貼又靚仔，令不少劇迷都對北韓軍官抱有幻想。洪永城及方健儀都分別去過
延伸閱讀：韓劇《愛的迫降》北韓拍攝場景大公開 「北韓村落」成網民打卡熱點！
睇完《愛的迫降》，劇迷心中的北韓軍人個個如玄彬一樣靚仔：
不過曾到北韓拍攝《在那遙遠的地方》的洪永城就要拆穿大家對理想老公的幻想，佢貼出當時與北韓軍人合照並留言：「毒，我就無中，不過的確開始睇咗幾集《愛的迫降》，我知你知北韓嘅玄彬應該係咁嘅樣，因為我接觸過。」
佢又推薦另一套以南北韓邊界的電影《JSA安全地帶》，大讚故事寫實又好睇，最後又話「真相係殘嘅」，令好友黃翠如留言話「U r super bad」！
另一邊方健儀都貼出殘酷現實，不明白大家為何大讚北韓軍官好靚仔，又稱自己未睇愛的迫降不理解，最後抵死補句自己去過北韓更加不理解，仲話「以為降係投降嗰個降、又或者係降頭嗰個降囉」。
劇中又唔係每個軍官外型同玄彬一樣出色，劇迷們別失望！
