藝人洪永城（Tony）尋日（6日）36歲生日，其螢幕好拍檔黃翠如喺社交網上載一條二人嘅自拍片段賀壽！片中見二人喺一個一望無際嘅大草原上，Tony無啦啦依起棚牙，仲發出奇怪聲音，無厘頭勁爆笑！不過，原來佢趁住為老友賀壽為名，向對方追債為實，發文表示：「生日快樂，笨城。話時話，你仲欠我的生日禮物。」網友笑指洪永城叫「笨城」，相當貼切呀！
而Tony今日一早就上載一段片，原來佢去咗行山上大東山睇日出過生日，佢話：「最好嘅生日禮物！」點知傳來一把女仔聲：「唔係我咩？哈哈！」之後Tony影住女友，Sweet爆示愛：「最好嘅生日禮物就係你喇！」真係冧到震呀！
東網網站 : https://on.cc/
東網Facebook專頁 : https://www.facebook.com/onccnews/
