藝人黃智雯在新劇《刑偵日記》演拆彈專家，為了保持最佳狀態，她幾個月前已開始做運動。由於教練要求嚴謹，智雯每餐都要拍照給他過目，直指壓力大增：「我食得好健康，唔可以飲汽水，就連最鍾意嘅煎炸食物，呢個月都冇接觸，連牛肉黐少少肥肉都唔得，真係要做個乖學生！呢個計劃係要吸收大量蛋白質，夜晚唔可以食澱粉質，所以已經好多晚冇飽飯食，嚟緊幾個月都係咁，希望呢樣嘢可以變成習慣。依家每日最期待係每朝整早餐，因為呢餐係每日可以食得最豐富嘅一餐，要好好享受！」
她表示早前受「禁聚令」影響不能去健身室運動，惟有閒時在家上網搜羅如何食得健康：「呢排對呢方面好有研究，之前做嘟姐（鄭裕玲）節目訪問，佢都讚我瘦咗！證明之前努力冇白費，所以好有動力繼續。」
東網網站 : https://on.cc/
東網Facebook專頁 : https://www.facebook.com/onccnews/
