歌手鄭欣宜出席新城勁爆頒獎禮2019記者會，講到好友許廷鏗（Alfred）的「同性密友」胡鴻鈞（Hubert）與蔡思貝傳緋聞，搞到Alfred似足「失戀」，問到可有安慰對方？欣宜笑問：「佢有拖拍先有得失。（之前傳Alfred同Hubert係『好朋友』？）我唔知呀，我只係知道我同許廷鏗關係，我好似單戀咁，當佢有嘢做、出碟就唔搵我，佢好無良心。」Alfred 誠徵麻雀腳？欣宜即言：「我好鍾意打麻雀，要搵又唔搵我，嬲！（平時有冇一齊打牌？）係佢教我打。以前好抗拒，唔明點解班人咁恐怖坐喺度咁多個鐘唔郁。」欣宜又提議Alfred找她，問可會介紹伴給他？欣宜謂：「我搞掂自己先，叫佢介紹畀我先啦。」
另外，問到早前謝婷婷帶女返港，可有見面？欣宜無奈說：「我當時又啱啱返咗加拿大探親。」不過欣宜稱都有見過BB女，指婷婷不時update相上網可以見到。可有衝動生B？她笑言：「我不嬲都有衝動，對呢樣嘢完全冇含蓄過。」
東網網站 : https://on.cc/
東網Facebook專頁 : https://www.facebook.com/onccnews/
