藝人楊明第三間燉湯店開幕，陳煒、陳曉華、張振朗、林淑敏、許家傑、余思霆、朱敏瀚、莊思華等撐場，因開工未能現身的楊明女友莊思明有拍片道賀，揚言下半生靠晒男友，非常甜蜜。
楊明透露新店與四個拍檔共投資7位數字，資金全由兩間分店所賺的錢湊合，笑言目標於本港19區也有分店，但就未敢諗上市，問到可會到店舖做生招牌？他說：「主要做樓面嘢，收銀唔識，伙記都係叫我出去執餐，通常啲客要求合照都有求必應。（叫思明入股？）冇啦！財政獨立嘛！」
談到思明拍片指下半世靠晒他，楊明笑說：「真係身負重任，同埋佢下半世都應該係交畀我。（承諾咗？）少少啦！不過未計劃結婚嘅嘢。（開晒19間先娶佢？）事業基礎為重，要照顧到未來家庭先。（落定訂封盤！）唔使，都封咗！邊個夠膽同我爭？」
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
