歌手梁釗峰今日到電台宣傳新歌《佚名》，歌詞有關下靶男友在網上化名數臭女友，問到拍拖時遇過女友最無理取鬧的事，他笑言：「拍拖時唔會覺得唔合理，我會遷就對方。（你造就咗對方嘅公主病？）開頭係，咁一隻手掌拍唔響，之後做番自己，佢就會覺得我變咗，我都經歷過呢個階段。最深刻係有次女友約咗朋友，我話我等佢，但佢又唔想畀朋友見到我，我喺街等咗佢三個幾鐘。呢啲嘢人生係要試吓，但之後就唔會咁做。」
將想法放入音樂
至於會否在網上化名寫文發洩或幫自己宣傳？他坦言：「我冇，我唔需要呢個出口，我一係就唔講。我以前都開過冇人知嘅社交帳號，但後來愈加愈多人，已經變到唔係私人，我後來寧願將自己想法放入音樂。（喺網上平台會少講嘢？）唔係刻意少講，向來都係咁，我係社交平台嘅黑洞，只係畀like，自己有意見一回事，但唔想影響到人。」
東網網站 : https://on.cc/
東網Facebook專頁 : https://www.facebook.com/onccnews/
