藝人鄭希怡（Yumiko）舉家去日本滑雪歎足成個月，差唔多5歲嘅梁浸浸亦都學有所成，細細個就經已練成一身好「功夫」，配合佢大膽嘅性格，成功征服成個雪場，衝前、急轉樣樣駕輕就熟，最後仲玩埋角色扮演，用樹枝當槍，認真夠晒型！就連Yumiko都不禁慨嘆：「小朋友學滑雪真的比大人容易太多。」再Hashtag「追住她拍片的是我」、「就快跟唔到」、「仲要停低等我」、「真孝順」，一眾網民都大讚梁浸浸有天分！
另外，兩母女都潮玩測年齡遊戲，意外自爆「女人嘅秘密」，Yumiko先玩，最後測出10歲，同真實年齡足足差28歲，唔怪得佢一見呢個結果即刻眉開眼笑，仲勁Hyper話呢個Apps好準，歡迎大家嚟挑戰！話口不完，梁浸浸舉手挑機，對住鏡頭扮Cute晒萌，但結果竟然話佢50歲！唔認老嘅佢再次挑戰，今次佢就遮住半邊面，結果仍不似預期，測出43歲，點測都超爆笑！
東網網站 : https://on.cc/
東網Facebook專頁 : https://www.facebook.com/onccnews/
