歌手林奕匡Phil 在內地舉行首個售票演唱會「PHILROMANTIC 林奕匡 2019 巡迴演唱會」。上星期六晚（17號）於廣州中央車站展演中心舉行。首次在當地舉行演唱會的Phil，看到全場滿座，令他感動又開心。他一開場便接連唱出〈Goodman〉、〈是日休息絕不工作〉及〈買不到的快樂〉，並感謝歌迷的支持。
今次 Phil 特別請到小師妹黃妍Cath 擔任自己的演唱會嘉賓，合唱〈一世同學〉。Phil 透露請Cath 做嘉賓的原因，笑說是因為覺得自己與Cath 頗相似。他說：「大家都識玩樂器，又係自己寫歌，最重要係大家都係一樣對夢想好堅持！」之後Phil 將舞台暫交給小師妹，由 Cath 獨唱〈笑容迷路了〉，甜美的歌聲成功吸引觀眾注意。Cath 在騷後亦表示：「好開心可以再企上台度唱歌俾大家聽，可能因為上個月幫過陳柏宇Jason做演唱會嘉賓。有咗經驗，今次個心定啲，但其實都係好緊張！見到啲觀眾都好好咁俾掌聲鼓勵我，非常感恩！真係好多謝阿Phil 俾咗呢次機會我，我會向佢學習，好好加油，努力為我將於10月7號九展Music Zone舉行嘅首個音樂會『黃妍說音樂會』做好準備」。
Phil 再次現身舞台，在唱完〈難得一遇〉後，Phil 與歌迷談心。他說：「音樂令到我行咗好多好特別嘅路，亦都帶我去咗好多唔同嘅地方，好似我之前去咗Boston學音樂啦，前一年我又去咗歐洲做歌啦，每一次都係好特別嘅聚會，好特別嘅Party。」而他更邀請現場觀眾與他一起開派對，炒熱現場氣氛。
而Phil 先後唱出〈從世界到我家〉、〈家常便飯〉和〈頌讚詩〉等人氣作品後，他趁機借觀眾的掌聲，感謝在幕後為他填詞的人。Phil更興奮地感謝現場所有的觀眾。Phil 帶點激動說：「今晚亦會係我人生一個重要嘅畫面！因為有你哋嘅支持，就係我繼續奮鬥嘅動力！」場面感動不少歌迷。
在演唱會的尾聲，Phil 再度剖白心底話，他說有一首歌救回他，亦救回他的音樂。他曾經擔心那會是自己唯一的一首歌，接着便唱出大熱作〈高山低谷〉，觀眾反應熱烈，甚至和Phil大合唱，掀起全晚的高潮！其後Phil 親自為自己的演唱會名字解說，他表示：「今晚呢個『PHILROMANTIC 演唱會』，就係要同所有廣州嘅朋友，開一個浪漫嘅派對。而浪漫，唔一定只係愛情！一齊聽吓歌，一齊開心，只要我哋一齊，就係一種浪漫。」Phil 原本以〈有人共鳴〉作為演唱會壓軸演唱的歌曲。但熱情的歌迷大叫encore，所以Phil再次走回台上感謝歌迷的支持，並以〈一雙手〉畫下完美句號。而 Phil 的下一站演出，將會是 8 月 31 日佛山的演出，票房反應也相當熱烈。
