請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

東方日報C2:鄧佩儀靠父母倒貼自責不孝

on.cc 東網

更新於 2020年04月04日19:26 • 發布於 2020年04月04日19:26 • on.cc 東網
鄧佩儀入行七年,一度打算轉行!
鄧佩儀入行七年,一度打算轉行!
當年參選華姐,穿上泳裝狀態大勇。
當年參選華姐,穿上泳裝狀態大勇。
提到父母,鄧佩儀自言感到愧疚。
提到父母,鄧佩儀自言感到愧疚。
與徐子珊合演的《點金勝手》,幾乎變成鄧佩儀的「收山劇」!
與徐子珊合演的《點金勝手》,幾乎變成鄧佩儀的「收山劇」!
鄧佩儀備受力捧,朝着「女一」目標進發!
鄧佩儀備受力捧,朝着「女一」目標進發!

入行七年的前華姐冠軍鄧佩儀去年憑重頭劇《鐵探》彈起,被外間睇好有力接棒無綫花旦。但她的星途絕不平坦,處女劇《點金勝手》幾乎變成「收山劇」!初入行時,她更入不敷支, 還含淚指愧疚要父母補貼支持生活,一度打算轉行!

現年27歲的2013年華姐冠軍鄧佩儀入行七年,去年在《鐵探》飾演臥底彈出演技獲讚賞,後來在《金宵大廈》扮吹氣公仔Mary,大膽演出令人眼前一亮,被外間看好能夠接棒無綫花旦。事實上形象乖乖女、甚少緋聞的她近年獲無綫悉心栽培劇接劇,除了正播出的《機場特警》外,她拍的《降魔的2.0》亦排隊等出街,她更同時拍攝《陀槍師姐2020》與《踩過界II》兩劇,工作接踵而來。

險一劇玩完

鄧佩儀現時事業一帆風順,但原來當年選美後被力捧拍攝《點金勝手》,處女劇幾乎變成「一劇收皮」,她說:「第一套《點金勝手》真係做得好差,睇番都覺得自己啲戲好屎,之後三年都冇監製敢搵我拍啲多戲嘅角色,挫敗感好大,但係唔怪得人,自己把握唔到,機會就自然畀咗人。之後轉咗去拍節目《飲食飯團》幾年,以為自己拍劇生涯已經玩完,直到監製陳維冠搵我拍《幕後玩家》先令到我條路有番光。」

當年20歲贏得華姐冠軍後,鄧佩儀由加拿大來港發展,生活也接連碰釘,入不敷支,她說:「雖然有月薪, 但係都唔夠交租、生活,頭幾年唔止畀唔到家用,仲要靠父母每個月補貼一萬蚊支持,我先可以喺香港維生。」講到父母的無條件支持,她眼泛淚光說:「真係好不孝、好愧疚,對自己好失望,咁大個人仲要問屋企攞錢,諗咗好耐係咪應該轉行。」入行初期,她收入不高,惟有節省開支發揮其「無綫慳妹」的本質:「自己唔鍾意買衫、唔鍾意買包包,對食又冇要求,仲可以重複食同一樣嘢。」

當阿佘係師傅

下一步希望做「女一」的鄧佩儀不時向兩屆視后佘詩曼偷師,她說:「我真係好幸運遇到有發揮嘅角色,當然希望再進一步做女主角,不過,隨緣啦,會努力但唔會強求。演技上仲有好大嘅進步空間,一直以佘詩曼為目標,重複睇佢啲細微位學嘢,阿佘暗中係我師傅嚟㗎,希望有佢嘅成就!」

在《機》劇中飾演特警的她,提到拍攝前弄傷胸骨骨裂,要食止痛藥忍痛開工,她笑說:「我原來都幾忍得痛,呢樣嘢都捱過就冇乜嘢頂唔住,揀得做演員辛苦就預咗。」

更多新聞,請瀏覽東方日報網頁:

https://orientaldaily.on.cc/

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0