星爺套《新喜劇之王》3日衝破1000萬！
電影上畫前，有網民都指星爺放棄香港市場，對他轉向內地、翻炒舊作表示失望。不過，不少入場看完此片的觀眾都話有驚喜，平時寸到上太空的杜汶澤都話睇到「眼淚流出嚟」；谷德昭就讚「飾演女主角父親的演員第一流，好演技不分中西南北，誰看誰感動。」
杜汶澤話：「或者響好多人心目中，夢想係不切實際嘅！但係我覺得，無夢想嘅人生，至係真正嘅不切實際。」又提到多年前因為一句對白都講得唔好而覺得自己好冇用。「嗰日我不停NG，雖然只係一個連名都無嘅band 仔角色，而嗰日我只係得一句對白啫！我都演唔好、我都講唔到。返到屋企，我喊咗好耐，覺得自己好無用。我發誓我一定要做好佢，唔可以比自己再侮辱自己有得做演員呢個機會。」最後提到「周星馳導演，就算瞓著覺，都拍贏好多人，我無選擇錯，因為我一向麻麻地賀歳片，好彩咁多套入面，我揀咗呢部。」
至於星爺舊拍檔谷德昭亦表示「很喜歡《新喜劇之王》，不能說新的比舊的好，因為冇得比較……《新喜劇之王》沒有周星馳主演，但戲中各人舉手投足和對白都帶著熟悉的周味，星迷們看著可吊一吊癮，相信周導演教戲時本身也過足了戲癮。飾演女主角父親的演員第一流，好演技不分中西南北，誰看誰感動。
要讚廣東話配音，個人認為比99%的地道港產片更抵死好笑，逐句逐粒字度，Respect！」谷德昭又透露當年星爺的唱K小習慣：「連續幾齣戲都配上了廣東歌，這次用上了《疾風》和《分分鐘需要你》，透過北文化推廣南文化，毋忘廣東話。（PS：戲中的歌都是周星馳年青時在卡拉OK喜歡點的歌，但只聽別人唱，自己不唱，聽他唱過的好像只有《玄武門之變》😁）」
撰文： 機
