最近李佳芯（Ali）有個微電影廣告出街，片中小鮮肉男主角非常吸睛，這個小鮮肉叫楊天宇（Angus），1994年12月14日出生的他，擁有爆肌及六呎高model身形，今年只得24歲，畢業於美國西雅圖華盛頓大學，主修經濟。他亦是一名運動健將，曾是校內排球隊、欖球隊及手球隊隊員。畢業後回香港加入娛樂圈，2017年簽約英皇娛樂成為旗下演員，隨即就有機會和林峯、蔡卓妍、方中信等合作拍攝網劇《PTU機動部隊》，亦曾在吳浩康《較早前錄影》MV中飾演男主角。
劇情講述Angus第一日返工就對上司Ali一見鍾情，並積極展開追求攻勢，之後佢為幫Ali補鑊更被炒魷魚。在鏡頭前對住上司Ali非常主動，不過鏡頭後，對住女神Ali的Angus原來是怕醜仔一名。難得有機會親近女神，Angus當然把握機會集郵，不過影咗無數咁多張合照後，Angus還是不滿意，猛話：「唔得呀。」再影多次之後，Ali走埋去睇相，睇完相後，Ali講笑咁話：「原來係你影極都唔靚。」搞到怕醜的Angus「紅都面晒」，耳仔更爆紅！
Angus指Ali絕對是他心目中的女神，「第一次同Ali合作，整個拍攝過程都好開心、順利，她當然是所有男性心目中的女神啦。至於耳仔紅，是因為被她篤爆我影極都唔靚，哈哈。」面對變成紅蕃茄的Angus，Ali除了喪笑，更指住他隻耳仔影相，而這張相反而成為他們兩個最滿意的合照。
微電影廣告：
Text：機