夏季來臨，雨水自然偏多，雨遮當堂成了好夥伴。如果你對遮嘅圖案設計有要求，又同時係多啦A夢粉絲嘅話便要留意了，日本郵便局嘅網購店將於6月1日至7月31日期間推出「多啦A夢Rain Item」系列，帶嚟6款跟雨有關嘅產品！其中焦點產品係長遮一把，特別之處係遮面採用多啦A夢晴天娃娃作圖案。與此同時，還推出相同圖案嘅珪藻土遮氈，並且還有多啦A夢晴天娃娃小布偶，非常可愛得意。
另外，該系列還有以「許願星」單元中出現嘅落糖雨一幕化為圖案，推出了縮骨遮、Tote Bag及化妝包。其中縮骨遮除了有靚靚圖案，傘柄更特別設計成多啦A夢的手仔，相當搞鬼！另外Tote Bag則使用了跟縮骨遮相同嘅防水物料，而袋嘅兩側各設有小袋，方便你放入濕淋淋嘅縮骨遮或水壺。至於化妝包採用了閃亮設計，效果別具一格。而網站方面提供多種唔同配搭嘅購買套裝，有興趣嘅朋友6月1日不妨登入去研究一下。
網址：https://www.shop.post.japanpost.jp/shop/pages/doraemon_home.aspx
東網網站 : https://on.cc/
東網Facebook專頁 : https://www.facebook.com/onccnews/
