關於大塚製藥旗下飲品寶礦力水特（Pocari Sweat，簡稱寶礦力）應該唔需要多介紹，飲品除咗標榜可以有效補充人體流失既水分外，更有捧紅女星的能力！話說畀該品牌揀中拍廣告的女星，都會火速得到高度關注，例子包括有宮澤里惠、一色紗英、中山亞微梨、後藤里沙、鈴木杏、川口春奈等等，上位指日可待！而大塚製藥於2016年起向參加東京馬拉松選手派發寶礦力等飲料，並為此找來寶礦力女郎（Pocari Girl）拍攝相關廣告宣傳一番，而今年被揀中的「第4代」女星日前終於曝光——係年僅13歲的大村Noemi！
呢位讀緊中學一年級的小女生一如以往的寶礦力女星般，充滿青春活力（畢竟13歲嘛）、擁有甜美親切笑容，一見即留下深刻印象。阿妹身材高挑，本身係日意混血兒，特別之處是佢於中國出身並生活了8年，小學2年級返日本，並於小學5年級時住過意大利半年，所以識講國語及意大利文。而阿妹的魅力一早已流露出來，細細個已在中4國當模特兒兼行花生騷，於小學5年級行原宿時更被星探發掘加入了現時的經理人公司。
而大村作為寶礦力女郎拍攝的網上電影「東京Supply少女2019 Why do you run？」剛於本周上線，只見阿妹跑住為各位選手打氣兼遞上寶礦力，表現夠晒落力！而稍後於3月3日舉行的東京馬拉松，大村亦會親自到場派寶礦力畀跑手，仲會大大聲幫大家打氣，參賽的朋友肯定會跑得更落力啦！
