由於疫情持續，香港開始出現盲搶潮，其中一款熱搶貨品莫過於即食麵同杯麵！不過想淥不一樣嘅健康口味，不妨諗諗Ace Cook於4月20日推出「無麵」杯麵「海帶拉」。係咪覺得個名好奇怪呢？其實呢款新出品係以品牌長期暢銷嘅「海帶拉麵」為基礎而生產，簡單講係將麵條抽走，取而代之換上大量海帶，所以正確嚟講呢款其實係海帶湯至啱。而包裝基本上跟之前嘅海帶拉麵差唔多，不過就大大隻字寫住「不含麵」（麺なし）讓人一眼睇到。而淥熟嘅方法亦跟正常嘅杯麵一樣，將海帶同味粉混合，加熱水等3分鐘就可品嘗香噴噴嘅海帶湯。而海帶嘅分量係海帶拉麵嘅4.5倍，入口口感豐富，味道跟海鮮醬油湯底更係非常匹配。最重要係每碗海帶湯只有59卡路里，女士們怕肥又想食消夜就最啱啦！「海帶拉」售193日圓。
網址：http://www.acecook.co.jp/products/detail.php?id=1108
東網網站 : https://on.cc/
東網Facebook專頁 : https://www.facebook.com/onccnews/
