對於一般女士嚟講，閨蜜可以話係與親姐妹無二。一個稱職嘅閨蜜會同你分享開心嘅時刻，更加會喺你需要幫忙嘅時間為你獻計，助你渡過難關。到底邊個星座可以成為最佳閨蜜呢？
第一名：雙魚座
雙魚座天生就溫柔並善解人意，仲擁有細膩心思，所以佢地精於察言觀色，懂得點樣安慰失落嘅友人。呢種體貼真係令人好窩心，而閨蜜就正正係呢種可以支持自己，為你安心傾吐心事嘅人。
第二名：金牛座
金牛女具有獨特嘅魅力，加上圓滑嘅手段令佢地可以很輕易博得他人好感。更重要嘅係佢地對任何事情都運籌帷幄，所以往往喺朋友有困難嘅時候，佢地都可以成為對方最可靠嘅肩膀，以自己嘅能力幫助對方渡過難關。
第三名：天秤座
天秤座性格沉穩，面對任何事情都可以處之泰然，亦好識得把握分寸，所以同佢地相處會好舒適。如果朋友有煩惱，天秤不但可以安撫對方情緒，仲可以幫忙將事情解決。如果你有一位天秤座閨蜜就幾時都可以咁安心啦。
