「美人魚」港姐何泳芍(Honey)因一身健康膚色成為焦點,更曾飽受批評,慘被惡意攻擊「黑過舊屎」,但佢未有因此被打沉,反而繼續忠於自己,希望可以改變社會對美嘅單一標準。呢日佢亦拍片勸勉女士們,千萬唔好因為在意其他人嘅眼光,而強行改變自己。
片中見佢一開始「以白遮醜」,成塊搽到白晒,但一啲都唔襯佢,非常格格不入,反而佢做番自己更有魅力。佢續指每個人都有自己獨特嘅吸引之處,並唔可以用同一套審美標則放喺所有人身上,並建議大家應學習多欣賞自己:「由今日開始,我哋每次照鏡嗰陣要諗下,我哋需要討好嘅人只有一個,就係你自己啦!」
東網網站 : https://on.cc/
東網Facebook專頁 : https://www.facebook.com/onccnews/