Wa個標題真係超級x假期咁ar!
但幾廢都好，似乎大家真係好易比呢種topic吸引走入嚟睇，係呢個文字低迷寫Blog無人睇既年代，咪又試下law~
曼谷著名酒店Banyan Tree相信各位都唔會陌生，5-6年前佢61樓的Moon Bar曾被選為曼谷No.1的Skybar (無fact check~ 個資料係好多年前睇過而家搵唔返~)
但呢幾年曼谷周圍都係新skybar，主要對手Sirocco更因為《醉爆伴郎團2》加持而成功後來居上。
不進則退，Moon Bar的人氣已大不如前，唔知係咪咁，連帶60樓的室內酒吧餐廳「Vertigo too 60th floor」都無乜生意，要做特價嚟吸客
其實佢咩原因有折就唔關我事ge，只要佢平左就得ga la~
用平常一半既價格就可以品嚐五星級酒店的skybar餐廳，無理由唔試試佢ga~

「Vertigo Too 60th floor」的裝修以昏暗浪漫為主調~
那宛如星空的天幕，Live band在輕奏爵士樂，個feel chill到不得了~

最佳的座位無疑是窗邊的地台式梳化，能飽覽60樓下的曼谷迷人夜景~
而且燈光幽暗、自成一角，浪漫之極~ 所以不少情侶均依偎細語，雙手亦不見了

其實呢間餐廳的定位係飲下酒聽下歌的輕食酒吧，如果想大魚大肉就可以skip了~
唔使驚~ 都有一d沙律、意粉、扒類，只係選擇唔多total得10種左右，不過都夠照ga la~
情調呢家野就係要「的骰」精緻，無人預妳係呢度九大簋蒸老鼠斑ga~
飲酒聽歌啦~

Banyan Tree作為五星級酒店，價錢當然係五星級乸脷，閒閒地一碟野都400至600THB，我幾乎以為自己返左香港!
唔係半價都真係有d難攪 ……… said by 窮鬼‧鋒加西亞
但諗深一層，旺角d廢柴西餐都係咁既價啦，又好似唔太貴wor! 仲要有半價tim! 抵爆!

至於食物又點呢~
前菜有兩粒芥辣香腸及明輝蝦片 -----
腸ok，蝦片竟然係新鮮炸起辣口的! 比明輝的鮮味得多，再蘸d海膽沙律醬，肥得嚟又令人忍唔住一塊接一塊!

炒蘑菇配香草牛油多士 -----
炒蘑菇內的檸檬汁令味道變得清爽，多士亦很好吃，之不過兩者的牛油味都好重，肥仔既我即刻淆底……….

羊西冷 -----
MasterChef 等級的精緻擺盤，羊肉嫩滑得嚟有羊味，當配埋個松露汁，就好似聖誕節食雲吞麵咁 ------- 都唔夾!! 更重要係成碟羊肉得果三粒，我都唔知食左d乜，呢間食法國菜咩??
情調! 記住呢度係食情調! 我唔係嚟食燒全羊ga!

Crab n’ Chips炸軟殼蟹配薯條 -----
隻蟹生前應該中左水炮車，炸左出嚟藍色ge? 似落左斑蘭汁但又一d斑蘭味都無，仲要上菜時已經唔熱唔脆，同上篇的軟殼蟹沙律差天共地!
薯條就正常啦，他他醬蒜味重，正~

睇到呢度，係咪開始發現呢間餐廳d食物好似普普通通呢
其實唔止食物，d服務都有要改善既地方 :
首先係廚房成張單漏左，令我以為裡面MasterChef team challenge緊，等左成粒鐘先上菜
其次係waiter應承左我排隊輪候窗邊梳化位，佢話「等3張枱only，你地坐住係度飲住食住先，有位會幫你搬過去~」
點知waiter比到第4張枱其他人竟然都仲無我份，於是再remind多次個waiter「Sorry我排緊ga」 ; 但夠膽死第5張都比其他人，我再講多次，直到第6張都係當我無到!
無辦法，阿經理，你唔好彩了!
作為一個中文老師，心平氣和笑笑口有禮貌地X交叉Y人係基本功啦
而經理都say sorry，但短期內都再無梳化位，只能幫忙調左去窗邊枱，咁我都唯有接受啦
唉，一間氣氛咁好既餐廳竟然攪d咁ge野，真係好掃興ar………

最後埋單，食物半價，連埋酒，加埋一，約港幣$660
真係一d都唔平呀!!!!!!!!!!
仲要味道比起上回的Eat Sight Story Deck 差得太多了!!!!!!!!!!!
不過又咁，呢度就真係擺到明食氣氛的，個環境都起碼佔左4舊水啦~ 50% off後性價比算係咁，香港同等level既餐廳煎塊扒都唔止啦!
同時我亦相信上述既不快待遇只係個別案件
如果係曼谷想以有限budget，係五星級酒店60樓高處，來一場浪漫醉人的精緻晚宴
呢間Banyan Tree的「Vertigo too 60th floor」，我是推薦的

Ee講左咁耐我原來未講無啦啦做乜有半價咁爽wor!
其實………………….好簡單，說穿了，咪”Eatigo”囉~
呢個Apps泰國、馬來西、新加坡等都用得ga!
而且外國好多餐廳d優惠無香港咁小家的，唔好蝕點都check下有咩著數~
妖我又免費幫人宣傳tim，Eatigo既marketing唔該比返廣告費我ar!~